Ethio-CER2T(Ethiopian Cyber Emergency Readiness and Response Team) Became a member of FIRST

ኢትዮ ሰርት (Ethio- CERT) የፈርስት FIRST (ፎረም ኦፍ ኢንሲደንት ሪስፖንስ ኤንድ ሴኪውሪቲ ቲምስ) አባል ሆነ ፡፡
 
ፎረም ኦፍ ኢንሲደንት ሪስፖንስ ኤንድ ሴኪውሪቲ ቲምስ (Forum of Incident Response and Security Teams) ወይም ፈርስት (FIRST) እ.አ.አ በ1990 ነበር የተቋቋመው ፡፡ ለመቋቋሙ ምክንያት የነበረውም ጥቃቶች ከተወሰነ ከባባዊ ሁኔታ ወጥተው ማንኛውም የኢንተርኔት ግንኙነት ላይ ትኩረት በማድረጋቸው ነበር፡፡
በ1988 ኢንተርኔት ዎርም የተሰኘ ክስተት በኢንተርኔት አለም ላይ ከፍተኛ ቀውስ በመፍጠር የኢንተርኔቱን አለም ያንበረከከበት ወቅት ነበር ፡፡ ሃገራት ፤ ተቋማትም ሆኑ ተጠቂዎች ይህን ወቅት ያሳለፉት በተናጠልና ባልተቀናጀ የደህንነት መፍትሄ በማካሄድ ለበለጠ ወጪና ላልተማከለ የጉልበትና ገንዘብ ወጪ በመዳረግ ነበር ፡፡ ይህን ክስተት ተከትሎም በሳምንት ጊዜ ውስጥ ሰርት በመቋቋም ከዚያም ሲቀጥል የአሜሪካው Computer Incident Advisory Capability (CIAC) በኢንተርኔት ደህንነት ዙሪያ ለተገልጋዮቹ ለመስጠት የተቋቋመበት ሂደት ነበር ፡፡ 
ከሁለት አመታት በኋላም የሚከሰቱ ድንገተኛ ጥቃቶችን የሚከላከል ቡድን እንደየሃገራትና ተቋማት ፍላጎት ፤ ፈንድ ፤ ሪፖርቲንግ ሪኳየርመንትና መዋቅር ሲደረግ ቆየ፡፡ ይህ ልዩነትም በቋንቋ ፤ በጊዜ ፤ በአለምአቀፍ የደረጃዎች ልዩነትና ህግጋት የመከላከል እንቅስቃሴውን በተሳለጠ መልኩ እንዳይካሄድ ሲያደርግ ቆየ፡፡ በኋላም በ1989 ዋንክ ዎርም የተባለ ድንገተኛና አደገኛ ክስተት አዲስና በተጠናከረ መልኩ ሊሰራ የሚችለውን የቡድኖች ቅንጅት ለመፍጠር የሚያስችል ስምምነትና ትብብር ተፈጠረ፡፡ 
ፈርስት ከዛን ጊዜ ጀምሮ እ.አ.አ በ1990 የተዋቀረ ሲሆን በተለያዩ የደህንነት ቡድኖች የተዋቀረና የኢንፎርሜሽን ልውውጥ ሂደትና ትብብርን በማሳለጥ ብሎም የጋራ ጥቅምን ባማከለ መልኩ ተጋላጭነቶችና ጥቃቶች ከመድረሳቸው በፊት በተለይም ኮር በሆነው በዲኤንኤስ ሰርቨሮች ላይ እንዳይደርስ ኢንተርኔት ላይ ትኩረት አድርጎ የደህንነት ስራዎችን እንዲሰሩ በማድረግ ብሎም ለሚከሰቱ ድንገተኛ ክስተቶች ፈጣን ምላሽ ለመስጠት የሚችሉ ቡድኖች በጋራ ጥቃቶችን መቋቋም እንዲችሉ ተደርጎ ተመስርቷል ፡፡
ከተቋቋመበት ከ1990 ወዲህ ባሉት ጊዜያትም ፈርስት በውስጡ ላሉ አባላቶቹ የመከላከል አቅማቸው እና የመመለስ አቅማቸው እንዲጨምር ድጋፍ በማድረግ ብሎም በአባላት መካከል የመረጃ ልውውጥና በጋራ የመስራት እድሎችን ሲያመቻች ቆይቷል፡፡ 
ፈርስት ከመንግስታት ፤ የፋይናንስና የንግድ ተቋማት ፤ ሚሊታሪ እና የከፍተኛ ትምህርት ተቋማት ጋር ጥምረት በመፍጠር ሰፊ የሆነ የደህንነት እና ፈጣን የጥቃት መላሽ ቡድን ከአለም ዙሪያ በስካሁን ሂደቱ ለመፍጠር ችሏል፡፡ 
ፈርስት በኢትዮጵያ በመገኘት አስፈላጊውን ግምገማ ካደረጉ በኋላ በደቡብ ኮርያ ሴኡል ከተማ ላይ ለ28 ኛ ጊዜ በተደረገው ኮንፈረንስ ላይ ነው ኢትዮ ሰርት አባል መሆኑን ይፋ ያደረገው ፡፡